Agjencia e Menaxhimit të Burimeve Ujore është krijuar me Vendimin e Këshillit të Ministrave Nr. 221 datë 26.4.2018 “Për organizimin dhe funksionimin  e Agjencisë së Menaxhimit të Burimeve Ujore”.

Misioni i Agjencisë është mirëqeverisja e burimeve ujore me qëllim përmbushjen e të gjitha nevojave jetësore, duke mbajtur në vëmendje qëndrueshmërinë e ekosistemeve, duke nxitur konkurrueshmërinë e përdorimeve dhe prioritizimin drejt përfitueshmërisë ekonomike.

Agjencia organizohet dhe funksionon në përputhje dhe në zbatim të ligjit 111/2012, “Për menaxhimin e integruar të burimeve ujore”, të ndryshuar.

Fiillimisht, funksionet dhe detyrat e AMBU-së janë kryer nga Sekretariati Teknik i Këshillit Kombëtar të Ujit.

Sekretariati Teknik i Këshillit Kombëtar të Ujit është krijuar njëkohësisht me Këshillin Kombëtar të Ujit dhe është organi ekzekutiv i KKU-së që prej vitit 1996. Me vendimin nr. 775 datë 28.10.1996 Këshilli i Ministrave vendosi krijimin e Këshillit Kombëtar të Ujit si organ qëndror vendimarrës për administrimin e rezervave ujore.

Qeveria Shqiptare, pas vitit 2014, zhvilloi një qasje të re lidhur me koordinimin e sektorëve. Kështu me vendimin nr. 230 datë 23.04.2014 “Për përbërjen dhe mënyrën e organizimit dhe funksionimit të Sekretariatit Teknik të Këshillit Kombëtar të Ujit” ndryshoi struktura dhe organizimi i Sekretariatit.

Kompetencat

• Harton dhe zbaton politika, strategji, plane, programe dhe projekte, që synojnë menaxhimin e integruar të burimeve ujore, ruajtjen sasiore dhe cilësore, si dhe konsolidimin e mëtejshëm të tyre;
• Zbaton dispozitat e marrëveshjeve dhe konventave ndërkombëtare për burimet ujore dhe ato ndërkufitare, palë e të cilave është Republika e Shqipërisë;
• Ushtron funksionet e Sekretariatit Teknik të Këshillit Kombëtar të Ujit;
• Propozon Këshillit Kombëtar të Ujit dhënien me koncesion të burimeve ujore;
• Propozon Këshillit Kombëtar të Ujit dhënien e lejeve dhe autorizimeve për përdorimin e ujit dhe shkarkimeve, kur veprimtaria kryhet jashtë kufirit të një baseni të vetëm;
• Harton inventarin kombëtar të burimeve ujore, si në aspektin sasior, ashtu edhe në atë cilësor;
• Harton dhe ndjek zbatimin e planeve të menaxhimit të baseneve ujore;
• Harton dhe ndjek zbatimin e planeve të menaxhimit për ujërat ndërkufitare;
• Është përgjegjëse për veprimtarinë ekonomike të burimeve ujore;
• Kërkon nga organet dhe institucionet shtetërore, agjencitë dhe entet publike informacion, të dhëna teknike, analiza apo mbështetje tekniko-konsultative që shërbejnë për nevojat e administrimit dhe të menaxhimit të burimeve ujore;
• Nxit pjesëmarrjen e përdoruesve të ujit në drejtimin dhe administrimin e burimeve ujore;
• Nxit studime e kërkime për zhvillimin e të rejave teknike që lidhen me përdorimin, zbulimin, shfrytëzimin, ruajtjen, trajtimin, mbrojtjen, administrimin dhe përdorimin efikas të burimeve ujore;
• Në bashkëpunim me institucionet kërkimore-shkencore, përcakton fushat e kërkimit dhe të studimit për burimet ujore, si dhe fondet përkatëse për to;
• Bashkërendon dhe kontrollon punën e organeve vendore të menaxhimit të burimeve ujore;
• Kundërshton në gjykatë vendimet e Këshillit të Basenit Ujor.

Agjencia e Menaxhimit të Burimeve Ujore përbehet nga 4 drejtori