Në kuadër të procesit të integrimit evropian, AMBU me mbështetjen e projektit “Mbështetja e BE-së për menaxhimin e integruar të ujit në Shqipëri”, financuar nga BE dhe ADA, ka hartuar paketën ligjore me synim përafrimin e plotë të legjislacionit shqiptar në fushën e menaxhimit të burimeve ujore me acquis të Bashkimit Evropian.

Në vijim të zbatimit të Urdhrit nr.24 prot., datë 9.02.2021, të Kryeministrit, “Për ngritjen e grupit ndërinstitucional të punës për hartimin e paketës ligjore në fushën e menaxhimit të burimeve ujore” AMBU organizoi në datën 17.05.2021 takimin e dytë me anëtarët e Grupit Ndërinsitucional të Punës për vazhdimin e veprimtarisë për hartimin e paketës ligjore në fushën e menaxhimit të burimeve ujore.

Në zbatim të VKM-së nr.745, datë 19.12.2018, “Për miratimin e marrëveshjes kuadër ndërmjet Këshillit të Ministrave të Republikës së Shqipërisë dhe qeverisë së Malit të Zi për marrëdhëniet e ndërsjellta në menaxhimin e burimeve ujore ndërkufitare” dhe VKM-së nr.113, datë 6.3.2019, “Për emërimin e anëtarëve që përfaqësojnë palën shqiptare në Komisionin Shqiptaro-Malazez për Menaxhimin e Ujërave me Interes të Përbashkët”, në datën 15.04.2021, online, u zhvillua mbledhja e dytë e Komisionit Shqiptaro-Malazez për Menaxhimin e Ujërave me Interes të Përbashkët.