Tirana mirëpriti Konferencën e 7-të të Palëve për basenin ndërkufitar të Drinit në datat 29 -30 Janar 2020. Konferenca, e cila u organizua nga GWP-Med, mblodhi 120 delegatë nga shtete të Ballkanit Perëndimor për të festuar 10 vjet bashkëpunim ndërkufitar dhe përparim drejt menaxhimit të përbashkët të basenit të Drinit. Në konferencë u prezantua një pasqyrë e plotë përditësimi mbi arritjet e bëra në kuadër të Projektit GEF Drin, përfshirë zhvillimin e Programit Strategjik të Veprimit, i cili identifikon ndërhyrjet prioritare në Basenin e Drinit dhe do të veprojë si udhëzues për projektet e ardhshme në Basenin e Drinit. Fokusi i veçantë i konferencës ishte çështja e anashkaluar e menaxhimit të thatësirave, duke përfshirë mjete specifike dhe koordinim për një gatishmëri të përmirësuar.
Konferenca e 7-të e Palëve për basenin ndërkufitar të Drinit
